В лѣто 6707 [1199]. Приславши Всеволод выведе Ярослава из Новагорода и веде и к собѣ; а из Новагорода позва владыку и посадника Мирошьку и вячьшии мужи по сынъ. Яко быша на озерѣ Серегирѣ, преставися рабъ божии архиепископъ новгородчкыи владыка Мантирии августа въ 24; и, привезъше, положиша и въ притворѣ святыя Софѣя. Идоша мужи с посадникомъ и с Михалкомъ ко Всеволоду; и прия их с великою честью и вда имъ сына Святослава; а в Новъгород присла, сдумавъ с посадникомъ и с новгородци, и введе въ епискупью Митрофана, богомъ избрана; и весь Новъгород, шедши, съ честью посадиша и, дондеже будет от митрополита позвание: и тогда поидеши на поставление.
Новгородская первая младшего извода
Новгородская Карамзинская
Софийская первая летопись
Тверская летопись
1199
Того же лѣта присла Всеволод, выведе Ярослава из Новаграда и веде и к собѣ, да позва из Новаграда владыку, а посадника Мирошку, и вячшии мужи по сынъ; и яко быша на озерѣ Серегирѣ, преставися рабь Божии архиепископь Новгородскыи Мантирии, августа 24, и привезше, и положиша и в притворѣ святыа Софиа. И идоша мужи с посадником и с Михалком къ Всеволоду, и приа его с великою чьстию, и вда им сынъ Святослав. А в Новград присла, сдумав с посадником и с новгородци, и введе въ епископью Митрофана, Богом избранна, и всь Новград, шедше, съ честию посадишя.
Теги: Архиепископ, Вокняжение, Князь, Новгород, Новгородский, Посадник, Поставление, Смерть, Церковь, Новгородцы, Софии, Ярослав Владимирович, Святослав Всеволодович, Всеволод Юрьевич, Погребение, Мирошка Несдинич, Митрофан, 1199, 6707, Мартирий, Селигер, Озеро, 24 августа, Михалко Степанович,
В лѣто 6707 [1199]. Присла князь великыи Всеволодъ и выведе из Новагорода князя Ярослава к себѣ, а из Новагорода позва владыку и посадника Мирошку, и болшии мужи по сынъ. И яко быша на озерѣ на Серьгерѣ, преставися рабъ божии архиепископъ Мартирии августа 24. И привезъше, и положиша въ притворѣ Святыа София. И идоша мужи с посадникомъ и с Михалкомъ къ князю Всеволоду, и прия ихъ с честию, и вда имъ сына своего Святослава. А Новъгородъ сдумавъ с посадникомъ и введоша въ епископью Митрофана, Богомъ избранна, и весь Новъгородъ шедше, с честию посадиша.
Теги: Архиепископ, Вокняжение, Князь, Новгород, Новгородский, Посадник, Поставление, Смерть, Церковь, Софии, Ярослав Владимирович, Святослав Всеволодович, Всеволод Юрьевич, Погребение, Мирошка Несдинич, Митрофан, Мартирий, Селигер, Озеро, 24 августа, Михалко Степанович,
Того же лѣта князь великии Всеволодъ выведе свояка своего, Ярослава Володимерича, изъ Новагорода; а архиепископа Мартириа позва въ Володимеръ по свой сынь. И яко быша на озерѣ Серегѣрѣ, и преставися рабь Божии архиепископъ Мартирии Новогородскии, августа 24, бысть на архиепископствѣ 6 лѣть и 7 мѣсяць; и привезше положиша его въ притворѣ святыя Софиа; и поидоша мужи сь посадникомъ Михалкомъ къ Всеволоду.